“Gadjetsiz maktab” nizomi

(2026-yil 1-apreldan kuchga kiradi)

1. Konsepsiya: Nega biz gadjetlardan voz kechmoqdamiz?

Maktabimizning asosiy vazifalaridan biri — bolaning sog‘lom miyasi, mustaqil tafakkuri va yuqori intellektini ham saqlash.

So‘nggi yillarda ilmiy tadqiqotlar bolalarda smartfonlardan ortiqcha foydalanish quyidagi muammolarni keltirib chiqarishini ko‘rsatmoqda.

Dofamin qaramligi

Smartfonlar tezkor zavq beradi. Natijada bola:

• kitob o‘qishga
• chuqur fikrlashga
• murakkab vazifalarni bajarishga

qiziqmay qo‘yadi.

Diqqat parchalanishi

Bildirishnomalar va tezkor kontent bolalarning uzoq vaqt diqqatni jamlash qobiliyatini pasaytiradi.

Uyqu sifati buzilishi

Ekranlardan chiqadigan ko‘k nur melatonin ishlab chiqarilishini kamaytiradi. Bu esa:

• uyqusizlik
• asabiylik
• xotira pasayishi

kabi muammolarga olib keladi.